(၁)
တောင်ကြီးမြို့လေး၏ မနက်ခင်းသည် သာယာလှပလွန်းနေသည် ။ မြူခိုးလေးက မှိုင်းဝေရီနေသော တောင်တန်းများ၏ ထိပ်ဖျားများကို အိမ်ခေါင်မိုးပေါ်မှ ကြည့်ရသည်ကို စိုင်းလွန်းခန့် နှစ်သက်သည် ။ အရှေ့တွင်မူ ၀ိုင်ပုလင်းတစ်လုံးကို ချထားသည် ။ သည်နေ့လည်း စိုင်း အပြင်မထွက်ချင်ပါ ။ တစ်နေ့လုံး သည်ဝိုင်တစ်လုံးနှင့် အချိန်ဖြုန်းမိဦးမည် ထင်သည် ။
သည် တောင်ကြီးမြေသည် စိုင်းကို အမှတ်တရများစွာ ပေးခဲ့သည် ။ နာကျည်းမှု များစွာ ပေးခဲ့သည် ။ ပျော်ရွှင်မှု များစွာ ပေးခဲ့သည် ။ အသက်ထက် ချစ်ရသော လူ တစ်ယောက်ကို သည် တောင်ကြီးမြေကပင် သူ့ကို လက်ဆောင်ပေးခဲ့ဖူးသည် ။ ဘုရားပေးသော လက်ဆောင်ဟု တစ်ချိန်က သူ သတ်မှတ်ခဲ့ရဖူးသော လူ တစ်ယောက် တစ်ခါက သူ့တွင် ရှိခဲ့ဖူးသည် ။
အခုတော့ရော … ။ အခုတော့ အတိတ်တွေသည် အတိတ်မှာပင် ကျန်ရစ်ခဲ့ကြလေပြီ … ။
(၂)
ဒါ မင်းတို့အတန်းကို အသစ်ပြောင်းလာတဲ့ ကျောင်းသားသစ် … ဇယံမိုး တဲ့ … သားတို့ မှတ်ထားရမယ်နော် …
ဇယံမိုးသည် ကျွန်တော့် ဘေးတွင် လာထိုင်လေသည် ။ ထိုအချိန်က ကျွန်တော်တို့ ကိုးတန်းနှစ် ဖြစ်သည် ။ ဇယံသည် ကျွန်တော့် အခင်ဆုံး သူငယ်ချင်းတစ်ယောက် ဖြစ်လာခဲ့လေသည် ။ တစ်နှစ်လုံး တူတူသွား ၊ တူတူလာ ၊ တူတူ စားနှင့် စာတူတူ ကျက်ခဲ့ကြသည် ။ နှစ်အိမ့်တစ်အိမ် ဖြစ်လာခဲ့ကြသည် ။ မိဘများက ပင် သည် သူငယ်ချင်းနှစ်ယောက် သိပ်ချစ်ကြတာပဲဟု မှတ်ချက် ပေးခဲ့လေသည် ။
ကိုးတန်း စာမေးပွဲ ဖြေပြီးသော နေ့တွင် ကျွန်တော် ဇယံ့ကို အတတ်ကောင်း တစ်ခု သင်ပေးခဲ့သည် ။ ယင်းမှာ ၀ိုင် သောက်ခြင်းပင် ဖြစ်သည် ။ အိမ်တွင် ဖေဖေက ညဘက်ဆိုလျှင် ၀ိုင်သောက်လေ့ရှိသည် ။ ဖေဖေ့ ၀ိုင်ပုလင်းတွေ ထားသော နေရာကို ကျွန်တော်သိသည် ။ ဖေဖေ မသိအောင် တစ်လုံးလောက် ခိုးပြီး သောက်ချင်သော စိတ်တော့ အမြဲရှိခဲ့သည် ။ ဒါပေမယ့် ကျွန်တော် တစ်ယောက်ထဲတော့ မသောက်ချင် ။ ထို့ကြောင့် ဇယံ့ကို အဖေါ်ညှိကြည့်သည် ။
ကောင်းပါ့မလား စိုင်းရယ် …
ကောင်းပါတယ် ဇယံရဲ့ … မင်းကလည်း … ယောက်ျားမဟုတ်ဘူးလား … ယောက်ျားဆိုတာ သောက်တတ်မှ ယောက်ျားပီသတာတဲ့ …
အံမာ … ငါက ဘာလို့ ယောက်ျားမဟုတ်ရမှာလဲ … သောက်မယ် … ဟေ့ကောင် … သောက်မယ် … ဒါနဲ့ ငါတို့က ဘယ်မှာ သွားသောက်ရမှာလဲ …
ငါ့အိမ် ခေါင်မိုးထပ်မှာလေ … အမိုးအကာမရှိတဲ့ ခေါင်မိုးလဟာပြင်ကြီးများ တောင်တန်းကြီးတွေရဲ့ အလှကို ခံစားပြီးတော့ပေါ့ … ပြောရင်းနဲ့တောင် အရသာ ရှိလာပြီ … လာ … အိမ်မြန်မြန် ပြန်ကြမယ် …
အိမ်ရောက်တော့ ဖေဖေ ၀ိုင်ပုလင်းများ ထားသောနေရာမှ အေးသာယာ စပျစ်ဝိုင် တစ်ပုလင်းကို ကျွန်တော် ဖေဖေ မသိအောင် တိတ်တိတ်လေး ဆွဲလာလိုက်သည် ။ ကံကောင်းသည်ဟု ပြောရမည် ။ ဖေဖေရော မေမေရော အပြင်သွားနေကြချိန်ဖြစ်သည် ။
ဇယံ … လာ … ငါ သည်မှာ ၀ိုင်သောက်တဲ့ ခွက်တွေပါ ယူလာတယ် …
ဝိုင်တွေ ထည့်ပြီးသော အခါတွင် နှစ်ယောက်သား ချီးယား … ၀မ်းရွှတ် ဟု အော်ကာ သောက်လိုက်ကြသည် ။ ကျွန်တော် ၀ိုင်အရသာကို ကြိုက်သွားသည် ။
ဟေ့ကောင် … မိုက်တယ်နော် … ပူရှိန်းရှိန်းလေး … ချိုချိုမွှေးမွှေးလေး …
အေး … ကောင်းတယ်နော် … စိုင်း … အရင်က ဒါမျိုးမသောက်ဖူးခဲ့တာ နာတာပဲကွာ …
တဖြည်းဖြည်းနှင့် နှစ်ယောက်သား သောက်လိုက်ကြသည်မှာ ရီဝေေ၀ဖြစ်လာကြသည် ။ စကားတွေကလည်း တောင်ရောက်မြောက်ရောက် အဆီအငေါ်မတည့်တွေ ပြောလာကြသည် ။
လာပါဦးကွ … ငါ့ချစ်ချစ်လေး ဇယံ …
အံမာ … မင်းကများ … သေတော့မယ် … ငါက မိန်းမယူရင် မင်းကို ယူမှာကွ … စိုင်းလွန်းခန့်ရ …
အံမာ … ငါက မိန်းမ လုပ်စရာလား … မင်းပဲ မိန်းမလုပ် …
မိန်းမကို နမ်းရင် သည်လို နမ်းရတယ်ကွ … သိလား …
ပြောရင်းနှင့် ဇယံက ကျွန်တော့်ကို စနောက်ဖို့ သူ့ခုံမှ ထလာသည် ။ ပြီးတော့ သူ့ကိုယ်သူ မနိုင်ဘဲ ကျွန်တော့်ပေါ်သို့ ပြုတ်ကျလေသည် ။ သူ့နှုတ်ခမ်းနှင့် ကျွန်တော့် နှုတ်ခမ်းတို့ ထိသွားကြသည် ။ ထိုအချိန်တွင် ကျွန်တော့် ရင်ထဲ ကြက်သီး ဖျန်းကနဲ ထသွားလေသည် ။
နှုတ်ခမ်းချင်း ထိနေမှန်း သိသော်လည်း နှစ်ယောက်သား မခွါမိကြ ။ ဘယ်လို ဘာဆက်လုပ်ရမယ်မှန်းလည်း မသိကြ ။ တစ်မိနစ်သည် တစ်နှစ်လောက် ကြာသွားသည် ထင်ရသည် ။ တစ်မိနစ်ခန့် ကြာတော့မှ ဇယံ ရှက်ကိုးရှက်ကန်းနှင့် ကျွန်တော့်အပေါ်မှ ပြန်ထလေသည် ။ သူ့ကြည့်ရသည်မှာ ကျွန်တော့်လိုပင် အမူးပြေသွားပုံ ပေါ်လေသည် ။
(၃)
ငါတို့ အသက်ကြီးတဲ့အထိ သည်လိုပဲ နေသွားကြမယ်နော် စိုင်း …
ငါလည်း နေချင်ပါတယ် ဇယံရယ် … ငါတို့ အသက်ကြီးလာလို့ ပိုက်ဆံတွေ ရလာရင် အိမ်တစ်လုံး ၀ယ်ပြီး မင်းနဲ့ငါနဲ့ တူတူ နေကြမယ်လေ … မကောင်းဘူးလား …
စိုင်း … မင်းက ဘာတက်မှာလဲ … ဆယ်တန်း ပြီးသွားရင် …
ငါလား … GTC တက်မှာလေ … ဇယံ … မင်းလည်း ငါ့လိုပဲ GTC လိုက်တက်ရမယ်နော် …
တက်မှာပေါ့ကွ … ငါတို့နှစ်ယောက်က ဘယ်တုန်းက ခွဲဖူးလို့လဲ … တက်ကသိုလ် ပြီးတဲ့အထိ တူတူ တက်ကြမှာပေါ့ …
ငါတို့ ကျောင်းပြီးသွားရင် တူတူ နေကြမှာနော် … ဇယံ … တွေးမိတာနဲ့တင် ပျော်စရာကြီးနော် …
ကျွန်တော် ပြောရင်းနှင့် ဇယံ့ပုခုံးကို ဖက်လိုက်သည် ။ ဇယံကလည်း အလိုက်သင့်လေး ငြိမ်နေလေသည် ။ ကျွန်တော်တို့ နှစ်ယောက်၏ အနာဂတ်ကို တွေးကာ ကျွန်တော်တို့ နှစ်ယောက်လုံး ပျော်နေကြလေသည် ။ တစ်ယောက်ကို တစ်ယောက် ချစ်သည်ဟူသော စကားကို မပြောခဲ့ကြသော်လည်း တစ်ဦး၏ အချစ်ကို တစ်ဦးက နှလုံးသားနှင့် ခံစား နားလည်နေကြပြီး ဖြစ်လေသည် ။
(၄)
XXX အချိန်တိုင်းပဲ … သူ့အကြောင်းတွေး … ခွဲခွါဖို့လည်း မဖြစ်နိုင်ပါဟေ့ …
အချစ်ဦးမို့ … တစ်သက်လုံးပဲ … လောကဓံကြုံပစေ မခွဲနိုင်ပါဟေ့ … XXX
ကျွန်တော် လက်ခုပ်တီးလိုက်သည် ။ ဇယံက စတူဒီယိုထဲတွင် သီချင်း သွင်းနေခြင်း ဖြစ်သည် ။ ကျွန်တော်က သီချင်းဆိုခြင်းကို ဇယံ့လိုတော့ ၀ါသနာ မပါလှ ။ သို့သော် သီချင်းရေးခြင်းကိုတော့ တော်တော်လေး ၀ါသနာပါလှသည် ။ ထို့ကြောင့် ကျွန်တော် ရေးသော သီချင်းတွေကို ဇယံက ဆိုသည် ။ စတူဒီယိုတွင် အသံသွင်းပြီး ကျွန်တော်တို့ Sample ခွေလေး လုပ်ကြည့်နေကြခြင်း ဖြစ်သည် ။
စိုင်း … ငါ ရင်ခုန်လိုက်တာ … Sample အခွေကို ဝေကြည့်ရင် လူတွေ ဘာဝေဖန်ကြမလဲ မသိဘူးနော် …
ဇယံကလည်း … မင်းက အဆို သည်လောက်ကောင်းတာ … သေချာတယ် … မင်းကို ချီးကျူးကြမှာပါ …
စိုင်း … ငါ့လက်ဖျားတွေ ကိုင်ကြည့်စမ်း … အေးစက်နေတာပဲ …
ကျွန်တော် ဇယံ့လက်ကလေးကို ကိုင်လိုက်သည် ။ ဇယံ့လက်ဖျားတွေ တကယ်ပင် အေးစက်နေလေသည် ။ ကျွန်တော် ဇယံ့လက်ကလေးကို ကိုင်ရင်း ဘေးဘီကို ကြည့်လိုက်သည် ။ လူရှိမနေ ။ ထို့ကြောင့် ဇယံ့လက်လေးကို ဆွဲယူပြီး ကျွန်တော့် ပါးနား ကပ်ပေးလိုက်မိလေသည် ။
နွေးရဲ့လား … ဇယံ …
ဟာ … စိုင်းကလည်းကွာ …
ဇယံ ရှက်ကိုးရှက်ကန်းနှင့် ခေါင်းငုံ့နေလေသည် ။ ကျွန်တော် ဇယံ့လက်ကလေးကို ရွှတ်ကနဲ နမ်းပစ်လိုက်သည် ။ ဇယံသည် ကျွန်တော့်ကို ပြုံးကာ ကြည့်နေလေသည် ။
(၅)
နည်းပညာတက်ကသိုလ်ကို နှစ်ယောက်လုံး တူတူ ၀င်ခွင့်ရခဲ့ကြသည် ။ အဆောင် တစ်ခုထဲတွင် တူတူ နေကြပြီး တစ်ခန်းထဲ တူတူ နေကြသည် ။ ကျွန်တော် ဇယံ့ကို သိပ်ချစ်သည် ။ ဇယံကလည်း ကျွန်တော့်ကို သိပ်ချစ်သည်ဟု ကျွန်တော် ယုံကြည်သည် ။ သို့သော် ထိုအချစ်သည် ဖွင့်ပြောစရာ မလိုသော အချစ်ဟု ကျွန်တော် မြင်ခဲ့သည် ။
ထိုသို့ ကျွန်တော် မြင်ခဲ့သော အချက်ကပင် ကျွန်တော်တို့နှစ်ယောက်ကို တစ်စ တစ်စနှင့် ဆုံမှတ်တွေကို သွေဖီသွားခဲ့စေလား ကျွန်တော် မပြောတတ်ခဲ့ ။ သို့သော် သေချာသည့် မပြောင်းလဲသော အချက်မှာ ကျွန်တော်တို့နှစ်ယောက် တစ်ယောက်ကို တစ်ယောက် ချစ်ခဲ့ကြသည်ဟူသော အချက်ပင် ဖြစ်သည် ။
စိုင်း … ငါတို့အတန်းကလေ … မြတ်နိုးသိမ့် ဆိုတဲ့ တစ်ယောက်ကို မင်း သိတယ်မဟုတ်လားဟင် …
အင်း … သိတယ်လေ … ဘာဖြစ်လို့လဲ ဇယံ …
ကောင်မလေးက မနက်က ငါ့ကို လာမေးတယ် … ဇယံ့မှာ ချစ်သူရှိလားတဲ့ … ငါ ဘယ်လိုဖြေရင်ကောင်းမလဲဟင် …
ကျွန်တော် ဇယံ့မျက်လုံးတွေကို ဖျက်ကနဲ ကြည့်လိုက်မိသည် ။ ဘုရားရေ ။ ဇယံဟာ ကျွန်တော် သူ့ကို ရည်းစားစကားပြောဖို့ လမ်းကြောင်းပေးနေခြင်းများလား ။ ကျွန်တော် ရုတ်တရက် ဘာဖြေရမှန်း မသိ ဖြစ်သွားမိသည် ။ ထို့ကြောင့်လည်း ဖြေမိဖြေရာကို ဖြေလိုက်မိသည် ။
ကြိုက်သလိုဖြေပေါ့ဟ … မင်း ကောင်မလေးနဲ့ အကြောင်းများ ငါ့ကို လာကြွားနေသေးတယ် …
ကျွန်တော် ပြောပြီး ထသွားလိုက်သည် ။ တကယ်တော့ ကျွန်တော် ပြောချင်သည့်စကားက တစ်မျိုးဖြစ်သည် ။ မင်းချစ်သူက ငါလို့ ပြောလိုက်ပေါ့ဟု ကျွန်တော် ပြောလိုက်ချင်သည် ။ သို့သော် ဇယံ ကျွန်တော့်အပေါ်တွင် အခင်အမင်လျော့သွားမှာ စိတ်ဆိုးသွားမှာကိုလည်း ကျွန်တော် စိုးရိမ်မိသည် ။ ဟုတ်တယ်လေ ။ ကျွန်တော်က ဇယံ့ရဲ့ အတွင်းမှာ ရှိနေတဲ့ စိတ်တွေ အကုန်လုံးကို သိနိုင်တာမှ မဟုတ်ဘဲလေ ။
(၆)
ကျွန်တော့် ညာဘက်လက်နှင့် ဇယံ့ဘယ်ဘက်လက်တို့တွင် ဂီတ သင်္ကေတ တက်တူးလေးကို ဆင်တူ ထိုးလိုက်သော နေ့သည် ကျွန်တော်တို့ နှစ်ယောက်လုံးအတွက် မမေ့နိုင်သော နေ့လေးပင် ဖြစ်သည် ။ နှစ်ယောက်သား ဆင်တူ တက်တူးလေးကို ကြည့်ပြီး ပျော်ရွှင်နေမိကြသည် ။
ဇယံ … လှတယ်နော် … တက်တူးလေးက …
အင်း … စိုင်း … ဒါနဲ့ ငါ တစ်ခု မေးချင်လို့ …
မေးလေ … ဇယံ …
မင်း အရင်ကလိုပဲ ငါနဲ့ တူတူ နေဖို့ စိတ်ကူးရှိသေးရဲ့လားဟင် …
အာ … ဘယ်လို ပြောလိုက်ပါလိမ့် … ဇယံရယ် … ငါတို့က တစ်သက်လုံး တူတူနေကြမှာ … သည် တက်တူးလေးကိုလည်း ဘယ်တော့မှ မဖျက်ကြဘူးလေ … နော် …
ထိုနေ့က ကျွန်တော်တို့ Sample အခွေကို ကျောင်းတွင် ဝေကြသည် ။ နောက်နေ့တွေကျတော့ သီချင်းစာသားတွေရော အသံရော ကောင်းသည်ဟု သူငယ်ချင်းများက ပြောလာကြသည် ။ ကျွန်တော်တို့ နှစ်ယောက် မျက်ရည်ကျမိလောက်အောင် ပျော်မိကြသည် ။ သီချင်းနားထောင်ပြီး အားပေးသူများထဲတွင် မြတ်နိုးသိမ့် ဆိုသော ကောင်မလေးက အကဲဆုံး ဖြစ်သည် ။
ဇယံရယ် … အရမ်းတော်တာပဲ … တို့က ဇယံ့ရဲ့ ထာဝရ ပရိသတ်နော် … သိလား …
ဇယံ့ကို ထိုကောင်မလေးက ဟိုကိုင် သည်ကိုင် ဆွဲလားထိလား လုပ်နေသည်ကို ကြည့်ရင်း ကျွန်တော် စိတ်တိုလာမိသည် ။ လူအရှေ့တွင်တော့ ဇယံ့ကို ဘာမှ မပြော ။ အဆောင်ရောက်မှ ပြသနာ ရှာမိတော့သည် ။
(၇)
နေစမ်းပါဦး … ခင်ဗျားလေးက တော်တော် ပျော်နေတယ် … ဟုတ်လား … အားပေးတဲ့လူကလည်း အိနြဒရေကို မရဘူး …
မြတ်နိုးက ငါ့ပရိတ်သတ်လေ … စိုင်းရဲ့ … ငါက အလိုက်အထိုက် ဆက်ဆံပေးတာလေ … ဒါပဲ မဟုတ်လား …
မဟုတ်ပါဘူး … မင်း အဲ့ကောင်မလေးကို ကြိုက်နေတာ မဟုတ်လား … အဲ့လောက် ကြိုက်နေရင် အဲ့ကောင်မလေးပဲ တွဲလိုက်ပါလား …
စိုင်း … မင်း ငါ့ကို အဲ့လို လာမစွပ်စွဲနဲ့ … ငါ သူ့ကို ကြိုက်လည်း မကြိုက်ဘူး … ကြိုက်စရာ အကြောင်းလည်း မရှိဘူး …
တော်စမ်းပါ … ငါ သိပါတယ် … မင်း ခုနက အဲ့ကောင်မလေးကို ပြုံးပြီး ကြည့်နေတာများ … ဟိုက လာကိုင်ရင်လည်း မင်းက တားလိုက်ပေါ့ …
ဟာ … စိုင်း … မရစ်နဲ့ကွာ … ဟိုက မိန်းကလေးလေ … နေစမ်းပါဦး … မင်း ငါ့ကို သ၀န်တိုနေတာ မဟုတ်လား … တကယ် ငါ့ကို ကြိုက်နေတာက မင်း မဟုတ်လား …
ဇယံက နောက်ပြောင်လိုသော သဘောနှင့်သာ ပြောလိုက်ခြင်း ဖြစ်သည် ။ သို့သော် ထိုအချိန်တွင် ကျွန်တော့်စိတ်ထဲတွင် တော်တော်လေး ခံစားလိုက်ရသည် ။ ဘာမှ မဟုတ်သော မိန်းမတစ်ယောက်နှင့်မှ ငါ့ကို နှိုင်းရက်လေခြင်း ။ သူ့ကို ငါက မိန်းမတစ်ယောက်နှင့် ယှဉ်လုနေသည့် ပုံစံမျိုး ပြောရက်လေခြင်းဟု တွေးကာ ရင်ထဲတွင် နာကျင်လာရသည် ။ ဇယံသည် သူ့စကား မှားသွားမှန်း သူ ရိပ်မိပုံ လုံးလုံး မပေါ်ချေ ။
ဟေ့ကောင် … ဇယံ … ငါမင်းကို အခုလည်း မကြိုက်ဘူး … နောက်လည်း လုံးဝ မကြိုက်ဘူးကွ … မင်း ငါ့ကို မစော်ကားနဲ့ …
ကျွန်တော် ပြန်ဖြေလိုက်သော စကားကြောင့် ဇယံ ကျွန်တော့်ကို တအံ့တသြ ကြည့်နေလေသည် ။ ပြီးတော့ ဇယံ့အသံ တိုးတိုးလေး ထွက်လာသည် ။
မင်း ငါ့ကို ချစ်နေတာ မဟုတ်လား … ငါ သိပါတယ် စိုင်းရယ် … ဘာလို့ ပွင့်ပွင့်လင်းလင်း မပြောရတာလဲ …
သူ့စကားသည် ကျွန်တော့်မာနကို နောက်တစ်ကြိမ် ခေါင်းထောင်လာစေပြန်သည် ။ ဘာလို့များ ဇယံဟာ ကျွန်တော့်ကို သည်လောက်တောင် အထင်သေးပြီး အပိုင်တွက်ရက်ရတာလဲ ။ ကျွန်တော့်ကို သူ့ဘက်ကတော့ ချစ်ပါတယ်ဆိုတဲ့ စကား တစ်ခွန်းမှ မပြောဘဲ ဘာလို့ ကျွန်တော်ကပဲ သူ့ကို ချစ်နေတာပါလို့ အသာစီး ပြောရက်ရတာလဲ ။ ကျွန်တော် ဇယံ့ကို နာကျည်းစွာ ကြည့်လိုက်မိသည် ။
ဇယံ … မင်း ငါ့ကို သိပ်အထင်သေးတာပဲ … ငါ မင်းကို လုံးဝ မချစ်ဘူး … ကြိုက်လည်း လုံးဝ မကြိုက်ဘူး … ဘယ်လောက်ထိတောင် မကြိုက်လဲဆိုတော့ မင်းနဲ့ တစ်ခန်းထဲ တူတူ မနေချင်လောက်အောင်ကို မင်းကို မကြိုက်တာ …
ဘာ … ဘာပြောလိုက်တယ် … စိုင်း … မင်း စကားကို မင်း ပြန်ပြင်ပြီး ပြောပေးလို့ ရမလား … မင်းက ငါနဲ့ တစ်ခန်းထဲ မနေချင်ဘူး … ဟုတ်လား …
ဟုတ်တယ် …
ကျွန်တော် မာနကြောင့် ခပ်ဆက်ဆက် ပြောပစ်လိုက်သည် ။ စိုင်းက တစ်ချက်ရယ်သည် ။ သူ့ရယ်သံမှာ နာကျည်းမှုများ ရောဆွတ်နေသည့်နှယ် ။
မသိပါဘူး စိုင်းရယ် … ငါက မင်းနေချင်တယ်ဆိုလို့ တူတူ နေပေးတာပါ … မင်း ငါနဲ့ တစ်ခန်းတည်း တူတူ နေရတာ အဆင်မပြေရင် အစတည်းက ပြောရောပေါ့ကွယ် … ငါက မင်းကို သနားလို့ တူတူ နေပေးရတာပါ …
ဘာ … တောက် …
ကျွန်တော့် တက်ခေါက်သံသည် တော်တော်လေး ကျယ်သွားမည် ထင်သည် ။ ဇယံသည် ကျွန်တော့်ကို ထပ်ပြီး စော်ကားလိုက်ပြန်ပြီ ။ ရန်ဖြစ်လာချိန် ခဏလေးတွင် ပြောမိသော စကားများသည် တစ်သက်လုံး ချစ်လာကြသူ နှစ်ယောက်ကို တစ်သက်စာ ဝေးစေရန်ပင် အကြောင်း ဖန်လာခဲ့ပြီ ထင်သည် ။
ပွင့်ပွင့်လင်းလင်း ပြောပြတာ ကျေးဇူးတင်ပါတယ် … စိုင်း … မနက်ဖြန်က စပြီး ငါ အဆောင် ပြောင်းတော့မယ် …
ပြောပြီး ဇယံ အခန်းပြင်ကို ထွက်သွားလေသည် ။ ကျွန်တော့်ခြေထောက်တွေသည် ဇယံဆီသို့ ပြေးသွားပြီး ကျွန်တော့်လက်တွေသည် ဇယံ့ကို ဖက်ကာ မသွားပါနဲ့ တူတူ နေကြရအောင်ဟု ပြောချင်နေသည် ။ သို့သော် ကျွန်တော့် ဦးနှောက်နှင့် ကျွန်တော့်မာနတို့သည် ကျွန်တော့်ကို ထိုနေရာမှ မလှုပ်ဘဲ မြဲမြဲ ရပ်နေအောင် အတင်း ချုပ်နှောင်ထားလေသည် ။
(၈)
စိုင်း … မင်းတို့ တူတူ ထိုးထားတဲ့ တက်တူးကို ဇယံက ဖျက်ပစ်လိုက်ပြီ ထင်တယ်နော် … မတွေ့တော့ဘူး … သိလား …
ကျွန်တော့်ကို သူငယ်ချင်းတစ်ယောက် လာပြောတော့မှ ကျွန်တော် ဇယံ့လက်ကို အဝေးက ငေးကြည့်မိသည် ။ စာသင်ခန်းထဲတွင် ကျွန်တော့် အရှေ့ နှစ်တန်းကျော်တွင် ဇယံ ထိုင်နေလေသည် ။ သူ့ဘေးက ကောင်မလေးကတော့ မြတ်နိုးသိမ့်ဖြစ်သည် ။ ဟုတ်ပါရဲ့ ။ ဇယံ့ လက်မှာ တက်တူးလေး မရှိတော့ပါလား ။ ကျွန်တော့်ရင်ဘက်ကို မြှားနှင့် စိုက်လိုက်သလို နာကျင်သွားမိလေသည် ။
ကျွန်တော် အဆောင်ကို ပြန်တော့ အနောက်က လူတစ်ယောက် ပါလာသည်ကို ခံစားမိသောကြောင့် လှည့်ကြည့်လိုက်မိသည် ။ ဘုရားရေ ။ ဇယံ ။ သူ ကျွန်တော့်နောက် ဘာလာလုပ်တာပါလိမ့် ။
စိုင်း … ငါ … ငါ မင်းကို ပြောစရာ ရှိလို့ …
ပြောပါ … ငါ နားထောင်နေပါတယ် …
ဇယံ ကျွန်တော့် အရှေ့တွင် လာရပ်သည် ။ ပြီးတော့ ဇယံ ကျွန်တော့်မျက်လုံးတွေကို စာဖတ်နေလေသည် ။ ကျွန်တော် မသိချင်ယောင် ဆောင်နေလိုက်မိသည် ။
ငါ … ငါ မင်းသီချင်းတွေကို ၀ယ်ချင်လို့ … အခွေထုတ်တဲ့အခါကျရင် မင်း မကျေနပ်မှာစိုးလို့ …
ဘုရားရေ ။ ဇယံက ကျွန်တော့်သီချင်းတွေကို ၀ယ်မယ်တဲ့ ။ ဒါဟာ ရယ်စရာ သိပ်ကောင်းလွန်းမနေဘူးလား ။ ဇယံဟာ ကျွန်တော့် သီချင်းတွေကို ၀ယ်မယ်ဆိုတာ ကျွန်တော်တို့နှစ်ယောက်ရဲ့ ဖြစ်တည်မှုဟာ သီးခြားစီ ဖြစ်သွားပြီလို့ ဆိုလိုနေတာ မဟုတ်ဘူးလား … ။
မလိုပါဘူး … ဇယံ … ငါ့ရဲ့ နောက်ဆုံး လက်ဆောင် အဖြစ်နဲ့ အဲ့သီချင်းတွေ မင်းကို ပေးလိုက်ပါတယ် …
စိုင်း … ခေါင်းမမာပါနဲ့တော့ကွာ … မင်း ငါ့ကို ချစ်နေတုန်းပဲ မဟုတ်လား … ငါနဲ့ တူတူ နေချင်တုန်းပဲ မဟုတ်လား …
ကျွန်တော် ထိုအချိန်တွင် သူ့စကားများထဲ နစ်မျောသွားကာ ဟုတ်တယ် … ငါ မင်းကို သိပ်ချစ်တာပဲဟု ပြောလိုက်ဖို့ ပါးစပ်ကို ပြင်မိလိုက်သေးသည် ။ သို့သော် သူ့လက်ခုံက တက်တူးဖျက်ထားသော နေရာလေးကို ကြည့်မိလိုက်သော အခါတွင် ကျွန်တော် ထိုသို့ဖြေဖို့ကို သိပ်ရှက်သွားမိသည် ။ ကျွန်တော့်လက်က တက်တူးကိုလည်း သူ မမြင်အောင် ဖုံးအုပ်ထားလိုက်သည် ။
Never …
သည်တစ်ခွန်းပဲ ကျွန်တော် ဖြေပြီး အံကို ကြိတ်ကာ စိတ်ကို အားတင်းပြီး သူ့ဘေးက ကျွန်တော် ထွက်လာခဲ့လိုက်သည် ။ အနောက်က သူ့အော်သံ ထွက်လာလေသည် ။
စိုင်း … ငါ နှစ်ကုန်လို့ ကျောင်းပြီးရင် မြတ်နိုးနဲ့ လက်ထပ်ရတော့မှာ … မင်းသိလား … ငါ မင်းဆီက အဖြေကို လိုအပ်တယ် … စိုင်း …
ရုတ်တရက် မိုးတွေ ရွာချလိုက်သည် ။ ကျွန်တော် ထီးကို ဖွင့်လိုက်ပြီး မြန်သထက် မြန်အောင် လျှောက်နေမိသည် ။ အနောက်ကို လှည့်ကြည့်လိုက်တော့ ဇယံ ။ မိုးရွာထဲတွင် သည်အတိုင်း ရပ်နေလေသည် ။ ကျွန်တော် အနောက်ပြန်လှည့်ပြီး ဇယံ့ဆီ သွားဖို့ လုပ်လိုက်သည် ။ ထိုအချိန်တွင် ထီးတစ်ချောင်းနှင့် ဇယံ့ဆီ ပြေးလာသည်က မြတ်နိုးသိမ့် ။ ကျွန်တော် နာကျင်စွာ ပြုံးလိုက်မိသည် ။
ဇယံရယ် … မင်းနိုင်ပါတယ် … မင်းနဲ့ တူတူ မနေချင်တော့ဘူးလို့ ပြောခဲ့မိတဲ့ ငါ့စကားတစ်ခွန်းအတွက် မင်း ငါ့ကို ဒဏ်ပြန်ခတ်လိုက်ပုံက ချီးကျူးထိုက်ပါတယ်ကွယ် … ငါ တကယ်ကို ခံစားရအောင် မင်း လုပ်နိုင်ခဲ့ပါတယ် ဇယံရယ် …
(၉)
မာနတွေ တင်းခံခဲ့ကြသည် ။ တစ်ယောက်ကို တစ်ယောက် စကားလေး တစ်ခွန်းပင် အတင်မခံနိုင်ဘဲ မာနတွေ ပြိုင်ခဲ့ကြသည် ။ မှားခဲ့ကြသည် ။ စိုင်းလွန်းခန့်ရော ၊ ဇယံရော နှစ်ယောက်လုံး မှားခဲ့ကြသည် ။ စိုင်း အတိတ်တွေဆီက ပြန်လည် နိုးထလိုက်သည် ။ ၀ိုင်ပုလင်းကို ပြန်ဖွင့်ရင်း တစ်ချိန်က ၀ိုင် တူတူ သောက်ခဲ့ဖူးသည်ကို ပြန်သတိရမိသည် ။
ယခုဆိုလျှင် ဇယံသည် အဆိုလောကတွင် အောင်မြင်သူ တစ်ယောက် ဖြစ်နေခဲ့ပြီ ။ စိုင်းလွန်းခန့်သည်လည်း အောင်မြင်သော တေးရေးဆရာတစ်ယောက် အဖြစ် ထင်ရှားလာခဲ့ပြီဖြစ်သည် ။ ဇယံနှင့် မြတ်နိုးသိမ့်တို့ လက်ထပ်ဖြစ်ခဲ့ကြသည် ။ လက်မထပ်ခင် တစ်ရက်အလိုက ညကို စိုင်း ပြန်သတိရမိသည် ။
ထိုညက ဇယံ စိုင်းဆီကို ရောက်လာခဲ့သည် ။
စိုင်း … ငါ … ငါ မြတ်နိုးကို လုံးဝ မချစ်ဘူး …
ဘာ … ဇယံ … မင်း ဘာပြောလိုက်တယ် … မနက်ဖြန် မင်းတို့ မင်္ဂလာဆောင်လေ …
ငါ … ငါ သူ့ကို လက်မထပ်နိုင်ဘူး စိုင်းရယ် … ငါဝန်ခံပါတယ် … ငါ ချစ်တာ မင်းတစ်ယောက်တည်းကိုပါ …
ဇယံရယ် … ဒီစကားကို မင်း လွန်ခဲ့တဲ့ တစ်နှစ်က ပြောခဲ့ရမှာကွ … အခုတော့ အားလုံး လွန်ကုန်ပြီလေ …
ဟင့်အင်း … မလွန်သေးပါဘူးကွာ … မင်းလည်း ငါ့လိုပဲ ငါ့ကို ချစ်တယ် မဟုတ်လားဟင် … ငါတို့ ထွက်ပြေးကြရအောင်နော် …
ဟင့်အင်း … ဇယံ … ငါ မလုပ်နိုင်ဘူး … မင်း မြတ်နိုးဆီကို ပြန်သွားစမ်းပါကွာ …
ငါမှ သူ့ကို မချစ်ဘဲ … ငါ တကယ်ချစ်တာ မင်းလေ …
အားလုံး လွန်ကုန်ပြီ ဇယံရယ် … ငါ့ကို မေ့လိုက်ပါတော့နော် … ငါတို့တွေ ဖြစ်မှ မဖြစ်နိုင်တော့ဘဲ ဇယံရယ် …
ထိုညက ဇယံ စိုင်း၏ ပုခုံးကို မှီကာ ငိုနေခဲ့လေသည် ။ တော်တော် ညည့်နက်မှ ဇယံ ပြန်သွားခဲ့သည် ။ ထိုအကြောင်းတွေကို ပြန်တွေးပြီး စိုင်း မျက်ရည်ကျမိရပြန်သည် ။
တောင်ကြီးမြို့ကလေးက ယခင်ကလိုပဲ လှပနေဆဲဖြစ်သည် ။ အိမ်ခေါင်မိုးပေါ်မှာ အခုတော့ စိုင်းတစ်ယောက်တည်း ထိုင်နေခဲ့သည် ။ ထိုနေ့ညက ဆုံးဖြတ်ချက်အတွက် စိုင်း ဘယ်တော့မှ နောင်တရလိမ့်မည်မဟုတ် ။ အသက်ကြီးတဲ့အခါ ကိုယ်လုပ်ခဲ့တဲ့ အရာတွေကို ပြန်တွေးမိတဲ့အခါ နောင်တရစရာတွေ မရှိစေနဲ့ဟု ဆုံးမခဲ့ဖူးသော ဖိုးဖိုး၏ စကားကို ပြန်သတိရမိသည် ။
တစ်ယောက်တည်း ဆိုသော စကားသည် စိုင်းအတွက်တော့ အသားကျနေခဲ့ပြီ ဖြစ်သည် ။ ရန်ကုန်ပြန်လျှင် သီချင်း အပ်ထားသူတွေကို သီချင်းပေးဖို့အတွက် စိုင်း သီချင်းရေးဖို့ Mood သွင်းနေမိသည် ။ ထိုအချိန်တွင် ဘေးဘက်နားက အိမ်က ဖွင့်လိုက်သော Katy Perry ၏ The one that got away သီချင်းလေးက လေထဲတွင် လွင့်ပျံလာလေသည် ။ စိုင်း တိုးတိုးလေး လိုက်ဆိုလိုက်မိသည် ။
And in another life , I’ll be your guy
We keep full of promises , be us against the world
And in another life , I would make you stay
So I don’t have to say you were the one that got away , the one that got away
နောက်ဘ၀ဆိုတာ ရှိခဲ့ရင် ချစ်ရသောသူနှင့်သာ ပေါင်းပါရစေဟု စိုင်း တိုးတိုးလေး ဆုတောင်း လိုက်မိလေသည် ။
The One That Got Away ကို ခံစားကာ ရေးသားပါသည် ။
ပြီး …
(မင်းခန့်နိုင်)
Really really nice!!! I love it and love to read like that kind of love fiction! Pls more write for us!!!I will be ur fan!!!
ReplyDelete