မင်းလည်းယောက်ျား ငါလည်းယောက်ျား (၂)

သူတို့နှစ်ယောက်စလုံးဟာ နေရာဟောင်းကို ဘာ့ကြောင့်စွန့်ခွါခဲ့တယ်ဆိုတာ မသိပေမယ့် ကျနော့်
မှာတော့ တိကျတဲ့အကြောင်းပြချက်ရှိပါတယ်။
ကျနော်နဲ့ အရင်းနှီးဆုံးလူသားနှစ်ဦးဖြစ်တဲ့ သူငယ်ချင်းနှစ်ယောက် ကျနော့်အနားကနေစွန့်ခွါသွား
ကြလို့ပါဘဲ။ တကယ့်တော့ ကျနော့်နားက စွန့်ခွါတယ်ဆိုတာထက် မြန်မာပြည်က စွန့်ခွါသွားတယ်
လို့ပြောရင် ပိုပြီးမှန်ပါလိမ့်မယ်။ ကျနော်တို့တုန်းက နိုင်ငံရေး အရေးအခင်းတွေကြောင့် ကျောင်းတွေမကြာ ခဏပိတ်တယ်။
အချိန်ကုန်မခံနိုင်တဲ့သူတို့နှစ်ယောက် မြန်မာပြည်ရဲ့ပညာရေးကိုသိပ်အထင်မကြီးတဲ့ သူတို့နှစ်ယောက် နိုင်ငံခြားကို ထွက်သွားကြတယ်။ တစ်ယောက်က စင်္ကာပူမှာကျောင်းဆက်တက်
တယ်။ နောက်တစ်ယောက်ကတော့ အမေရိကန်က သူ့ဦးလေး ကုမဏီမှာအလုပ်လုပ်ရင်း
တစ်ခြားမေဂျာနဲ့ကျောင်းတက်တယ်။ သူတို့မှာ နောက်ခံအင်အားရှိတော့ အဲ့လိုလုပ်နိုင်တယ်။

မြန်မာပြည်ပညာရေးကို ကျနော်လည်းမကြိုက်ပါဘူး။ နိုင်ငံရေးအခြေအနေပေါ်မူတည်ပြီး
အမျိုးမျိုးပြောင်းနေတတ်လို့။ မကြိုက်ပေမယ့် ကျနော့်အနေနဲ့သူတို့လို ရွေးချယ်ခွင့်မရှိဘူး။
ဒါကလည်း သူတို့ကုသိုလ်နဲ့သူတို့ဖြစ်တာဘဲ။ အားကျတဲ့စိတ်တော့မရှိပါဘူး။
လွမ်းနေတာဘဲသိတယ်။

အဲ့ဒါကြောင့် သူတို့နဲ့ပက်သက်ခဲ့ဖူးတဲ့နေရာဟောင်းကို စွန့်ခွါခဲ့တာဘဲ။ မဟုတ်ရင် ဘယ်အချိန်
ဘယ်နေရာလေးမှာ ငါ့ကို ဘယ်လိုလေး ကြင်နာခဲ့တာဆိုတာတွေကို သတိရလွမ်းဆွတ်နေမိ
မှာလေ။

ကျနော့်မှာအဲ့လို နောက်ခံပုံရိပ်ရှိခဲ့သလို လက်ရှိသူငယ်ချင်းအသစ်ဖြစ်တဲ့ သူတို့နှစ်ယောက်မှာရော
ဘယ်လိုပုံရိပ်ဟောင်းတွေရှိခဲ့လဲ။ လက်ရှိသူတို့နှစ်ယောက်အကြောင်းကိုစဉ်းစားလိုက်တိုင်း
အဲ့ဒီမေးခွန်းက မကြာခဏထွက်ထွက်လာတတ်တယ်။

တစ်ညနေမှာတော့ သူတို့နှစ်ယောက်အကြောင်းကို သိဖို့ လမ်းစလေးတစ်ခုပေါ်လာတယ်။
(ကျနော်က ကျောင်းတက်ရင်း အပိုဝင်ငွေအတွက် စာအုပ်အငှားဆိုင်လေးဖွင့်ထားတယ်။ ကျောင်းပြီးတဲ့အထိပါဘဲ။)

ကျနော့်ဆီကို သူတို့နှစ်ယောက်ထဲက တစ်ယောက်စာအုပ်လာငှားတယ်။ နှစ်ယောက်စလုံးကို
homo လို့ယူဆလိုက်ရင် အခုလာငှားတဲ့တစ်ယောက်က bot ဘက်ပိုနီးမယ့်တစ်ယောက်ပေါ့။
နွဲ့နေလို့တော့မဟုတ်ဘူး။ ဒီလိုဘဲခံစားသိတာ။ သူ့နာမည်အပြည့်အစုံရှိပေမယ့် ကျနော်ကသူ့ကို
အဖျားဆွတ်ပြီး လှိုင်လေးလို့ဘဲခေါ်လိုက်တယ်။

စာအုပ်ဆိုင်ထဲ သူဝင်လာတော့ ကျနော်ဝမ်းသာသွားတယ်။ သူသာစာဖတ်ဝါသနာပါမယ်ဆိုရင်
ကျနော့်မှာ ပိုက်ဆံလည်းရ သူနဲ့လည်း ပိုပြီးရင်းနှီးခွင့်ရမယ်လေ။ ကျောင်းမှာက မေဂျာမတူတော့
ရင်းနှီးခွင့်မရနိုင်ဘူး။ အဆောင်မှာကျတော့လည်း တွေ့ချိန်ကနည်းနေတယ်။

ကျနော်သူ့ကို ပြုံးပြနှုတ်ဆက်လိုက်တယ်။ ကျနော့်အြ့ပုံးက သာမန်ထက်ပိုပြီးလှိုက်လှဲဖော်ရွှေနေ
မယ်ထင်ပါတယ်။ ကိုယ့်လောဘနဲ့ကိုယ်လေ။
သူကတော့ ကျနော့်ကို တစ်စက်ကလေးမှ ပြန်ပြုံးမပြပါဘူး။ မျက်နှာတည်ကြီးနဲ့ပါဘဲ။
ဒါပေမယ့် သူတည်တာက မာနတွေနဲ့တည်နေတာမဟုတ်ဘူး။ ကိုယ့်ကိုယ်ကို ဘ၀င်မြင့်အထင်
ကြီးစိတ်နဲ့တည်နေတာမဟုတ်ဘူး။ ခံစားချက်ကင်းမဲ့နေတဲ့တည်နည်းမျိုး။ ဒါမှမဟုတ် ခံစားချက်
တစ်ခုတည်းကိုဘဲ မျိုသိပ်ထားရတဲ့တည်နည်းမျိုး။
သူရဲ့မျက်နှာပေးလေးတစ်ချက်က ကျနော့်ကို အဓိပါယ်အများကြီးထွက်သွားစေခဲ့တယ်။

စကားလည်းတစ်လုံးမှပြန်မပြောဘူး။ သူ့ဘာသာ စာအုပ်ကိုဘဲ မဲရှာနေတယ်။ ကျနော်က...
“ ဘယ်လိုအမျိုးအစားထဲက ဖတ်ချင်လဲ လှိုင်လေး...”
လို့မေးလိုက်တယ်။ ဒါပေမယ့် သူပြန်မပြောဘူး။
ကျနော်ထပ်ပြောလိုက်တယ်။
“ တက်ကျမ်းတွေဖတ်ချင်ရင် ဒီဘက်မှာရှိတယ် လှိုင်လေး... အချစ်ဝတ္ထုက ဒီဘက်မှာ...
သိုင်းနဲ့ ဂမ္ဘီရဖတ်ချင်ရင်တော့ ဒီဘက်လာကြည့်လေ...”
အခုထိလည်းပြန်မပြောသေးဘူး။ သူ့ဘာသာ ရှာချင်ရာရှာနေတုန်းဘဲ။
ဆိုင်ခန်းထဲမှာ သူနဲ့ကျနော် နှစ်ယောက်တည်းရှိတာကို သောက်ဂရုမစိုက်သလို ဆက်ဆံခံရတဲ့
ကျနော် တကယ့်အရူးလိုပါဘဲ။ တစ်ယောက်တည်းရူးပြီးလျှောက်ပြောနေသလိုဘဲ။

“ အချစ်ဟာသ ၀တ္ထုဖတ်ကြည့်ပါလား လှိုင်လေး...”
ကျနော်ဇွဲမလျော့ဘဲထပ်ပြောလိုက်တယ်။ အချစ်ဆိုတဲ့စကားလုံးကိုလည်း ရည်ရွယ်ချက်ရှိရှိထည့်
ပြောလိုက်တယ်။ အဲ့ဒီစကားလုံးက သူ့ရဲ့စိတ်ကို ဘယ်လောက်ထိ လှုံ့ဆော်နိုင်မလဲဆိုတာသိချင်
လို့။
ဒီတစ်ခါတော့ ကျနော့်ဇွဲအောင်မြင်သွားတယ်။ အဲ့ဒီစကားလုံးကြောင့်ထင်တယ်။ သူ ကျနော့်ကို
တစ်ချက်စိုက်ကြည့်လိုက်တယ်။ ဖုတ်လေတဲ့ငပိ ရှိတယ်လို့ အထင်မခံရတယ်ကျနော် သူ့အကြည့်
တစ်ချက်ကြောင့်ဝမ်းသာသွားတယ်။ သူကျနော့်ကို စူးစူးရှရှကြည့်လိုက်တယ်။ ပြီးတော့အခုလို
တစ်လုံးတည်းပြန်ပြောတယ်။
“ နိုး...”

ဒါပေမယ့် သူ့ဆီက No တစ်လုံးကို Yes ပေါင်းများစွာကြားရတာထက်တောင် ကျနော်ပျော်သွား
သလိုဘဲ။ ဘာဖြစ်လို့လဲဆိုတော့ သူ့ No က ကျနော်သိချင်တဲ့ Yes ရဲ့ လမ်းစဖြစ်နေလို့ဘဲ။
ခဏနေတော့ သူ ကျနော့်ကို စာအုပ်ထိုးပေးတယ်။
မြသန်းတင့်ရဲ့ “လေလွင့်သူ “ ဆိုတဲ့စာအုပ်။
ကျနော်ပိုပြီးပျော်သွားတယ်။ ဘာဖြစ်လို့လဲဆိုတော့ အဲ့ဒီထဲမှာ gay အကြောင်း နည်းနည်းပါလို့
ပါဘဲ။
စာရင်းမှတ်ပြီးတော့ သူ ချက်ချင်းဘဲပြန်သွားတယ်။

နောက်နေ့ သူစာအုပ်ပြန်အပ်တော့ ခါတိုင်းလို သူ့ပုံစံက ပုံမှန်အတိုင်းပါဘဲ။ သူတစ်ခြားစာအုပ်တွေ
ရွှေးနေတုန်း သူပြန်အပ်တဲ့ စာအုပ်ကိုကျနော်စစ်လိုက်တယ်။ အတွေးအခေါ်ပါတဲ့စာအုပ်တွေ
ဘာသာရေးစာအုပ်တွေဆိုရင် ကျနော် တစ်ရွက်ချင်းစစ်တယ်။ ဖြဲယူထားတတ်ကြလို့။ နောက်လူ
အတွက် စိတ်အနှောက်အယှက်ဖြစ်မှာဆိုးလို့။ ဖြဲထားတာတွေ့ရင်အလျော်တောင်းတယ်။

အဲ့ဒီလိုစစ်ရင်း ကျနော်မျက်လုံးပြူးသွားတယ်။ စာရွက်နှစ်ရွက်သူဖြဲထားတယ်။
ကျနော် စိတ်လည်းတိုသွားသလို ၀မ်းလည်းသာသွားတယ်။
ဝမ်းသာတာက သူဘယ်စာရွက်ဖြဲသလဲဆိုတာ သိခွင့်ရမှာမို့ဘဲ။
သူ့ကို ဘာမှမပြောဘဲ အလျော်မတောင်းဘဲ မသိချင်ယောင်ဆောင်လိုက်တယ်။
နောက်စာအုပ်ေ၇ွးပြီး သူပြန်သွားတော့ အဲ့ဒီစာမှာ သူဖြဲထားတဲ့စာမျက်နှာကိုကြည့်လိုက်တယ်။
ပြီးတော့ နောက်ထပ်အဲ့လိုစာအုပ်နဲ့စာမျက်နှာတိုက်ကြည့်လိုက်တယ်။ ကျနော့်မှာ အဲ့ဒီစာအုပ်
နှစ်အုပ်ရှိတယ်။ တစ်အုပ်က လက်ဆောင်ရတာ။ နောက်တစ်အုပ်က ဆိုင်အတွက်ဝယ်ထားတာ။

စာအုပ်နှစ်အုပ် တိုက်ကြည့်ပြီး သူဖြဲယူထားတဲ့ စာရွက်နှစ်ရွက်ကိုစစ်ကြည့်လိုက်တော့ ကျနော်
စိတ်လှုပ်ရှားသွားတယ်။ သူဖြဲထားတဲ့ စာရွက်က gay အကြောင်းပါတဲ့စာရွက်ဖြစ်နေလို့ပါဘဲ။
အဲ့ဒီထဲမှာ ပါတဲ့ ဇာတ်ကောင်တစ်ယောက်ရဲ့စကားက...
“ ယောက်ျားတစ်ရာမှာ ငါးဆယ်ရာခိုင်းနှုန်းက တစ်သက်မှာအနည်းဆုံးတစ်ကြိမ် လိင်တူဆက်ဆံ
ဖူးတဲ့သူချည်းဘဲကွ........................................................“ ဆိုတဲ့စကားပါတယ်။
နောက်ဇာတ်ကောင်ရဲ့စကားက...
“ ဒီကောင် gay တွေအကြောင်း ဒီလောက်သိနေမှတော့ ဒီကောင်ကိုယ်တိုင် gay ဖြစ်နေလို့လား“
ဆိုတဲ့စကား။
မှတ်ချက်။ ။ အားလုံးမမှတ်မိပါ။ အသေးစိတ်သိချင်ရင် အဲ့စာအုပ်ကိုဝယ်ဖတ်ကြည်ပါ။
gay အကြောင်းရေးထားတာတော့မဟုတ်ပါဘူး။ sex လည်းမပါပါဘူး။
ကျနော့်မှာ အဲ့စာအုပ်အခုထိ သေတ္တာထဲမှာ ရှိသေးပါတယ်။ ဒါပေမယ့်
အခုဒီအခန်းရေးတုန်း အဲ့စာအုပ်ပြန်ဖတ်မယ်လုပ်တော့ သေတ္တာသော့
က ရှာမတွေ့ဘူး။
ဆက်ရန်..............................................................................
chit moe swe