“ဒီအတွက် မပူပါနဲ့ အစ်ကိုတို့ရာ။ နှမတော်ရဲ့တာဝန်ထားစမ်းပါ။ နှမတော်မှာ အစီအစဉ်ရှိတယ်။ အဲဒီ့အစီအစဉ်ထဲ နှမတော်တစ်ယောက်ထဲတင်မဟုတ်ပဲ၊ အစ်ကိုတို့နှစ်ယောက်လည်း ပါရမယ် အစ်ကိုတော်တို့ရဲ့။”
“ဟာ ဟုတ်ပြီ နှမငယ်..။ ကြားရတာ ပျော်စရာကြီးပေပဲ။ ကဲ အချိန်မလင့်ခင် စလိုက်ကြစို့ နှမတော်ရေး…….”
* * * *
(အခန်း-၆)
“အချိန်တော်တော်လင့်နေပြီနော် နှမတော်။ ဘာမှလည်း မလှုပ်ရှားသေးပါလား”
“နေပါဦး အကိုတော်ရယ် နှမတော် အထူးလေ့ကျင့်ထားတဲ့ ရွှေသမင်လွှတ်ထားပါတယ်။ ဘယ်နားသွားနေလည်း မသိဘူး။ နေဦး နှမတော်သွားရှာလာခဲ့မယ်….”
အချိန်က ညနေစောင်းဖြစ်နေပြီး တော်တော်လင့်နေကာမှ အရေးထဲ ရွှေသမင်က ပျောက်နေပြန်သေးသည်။ တောက်… ဒီရွှေသမင်စုတ်.. ဘယ်နားသွားပြီး မိတ်လိုက်နေလည်း မသိဘူး…
“ဟင်.. တောက်ခွေးကြီး… ဂန့်ဂန့်”
တကယ်တော့ရွှေသမင်က ဘယ်နားမှသွားပြီး မိတ်လိုက်မနေပါ။ ဒဿရဲ့ တင်ပါးကို အနောက်မှ လာနမ်းနေခြင်းဖြစ်သည်။ ဟင်.. ဘုရား.. ဘုရား… ဒီရွှေသမင်က မုန်ယိုနေတာများ ငါ့ကိုတောင် အလွတ်မပေးချင်တော့ပါလား။
“ဟဲ့ခွေး.. အဲ… ဟဲ့ တမင်စုတ် ရှလူး.. ရှူး.. တွားတွား။ တွားလေ.. တွားလေ..”
ဒဿနည်းတူနောက်လှည့်ကြည့်မိတဲ့ ဘိဘိမကလည်း တွေ့သွားပြီး ယောက်ယက်ခတ်စွာ ထအော်ပါသည်။ ဘိဘိမရဲ့ ပြဲလန်နေတဲ့ အော်သံကိုကြားတော့မှ မုန်ယိုပြီး နှာဘူးလာကျနေတဲ့ ရွှေသမင်ကြီးက လန့်ဖြန့်ကာ ဒဿတို့ပုန်းနေတဲ့ ခြုံပုတ်ထဲမှ ခုန်ထွက်သွားပြီး စမ်းချောင်းထဲကို စည်းမဲ့ကမ်းမဲ့နဲ့ စားကြွင်းစားကျန်အမှိုက်တွေ လွှင့်ပြစ်နေတဲ့ သီတာဒေဝီရဲ့ တင်ပါးကို ဝင်ဆောင့်မိသည်။
“ဒရှိ……..”
“အံမယ်ငှီး…………. နာတယ်ရှန့်”
သီတာဒေဝီလည်း ရုတ်တရက်လန့်သွားပြီး အရှေ့ကို ပြစ်လဲသွားရာ ဆင် မစင်ပုံကြီးတစ်ခုပေါ်သို့ မျက်နှာအပ်သွားပါသည်။ သီတာဒေဝီတော့မသိ..၊ ချောင်းကြည့်နေတဲ့ ဒဿနဲ့ ဘိဘိမတို့ကတော့ ရွံ့လွန်းသဖြင့် ရှုံ့မဲ့သွားကြသည်။ သီတာဒေဝီက မစင်ပုံထဲက လူးလဲထပြီး ထွက်ပြေးသွားသော ရွှေသမင်ကို လက်ညှိုးညွှန်ကာ..
“ဟင် သမင်စုတ်။ သမင်အပျက်ကောင်။ အံမယ်လေး ငါ့ကို ဝင်တိုက်ရလား။ နင့်အစိကွယ်နေလား။ ရာမ.. ဟဲ့ ရာမ… လာလိုက်စမ်း။ ဒီသမင်ကို လိုက်ဖမ်းပေးစမ်းပါအေ။ ဒီနေ့ ဒီသမင်ကို ငါကိုယ်တိုင် အမဲဖျက်ပြီး အကောင်လိုက်ကင်စားရမှ ကျေနပ်မယ်…။ ကျေနပ်မယ်ဟဲ့…”
သီတာဒေဝီက စွေ့စွေ့ခုန်အော်ဟစ်တော့ ရာမတစ်ယောက် ကြောက်ကြောက်နှင့် သမင်နောက်လိုက်သွားသည်။ ခိုင်းရက်လိုက်တာ မိစ္ဆာမရယ်..။ ငါ့ကောင်လေး အစိမ်းလေးကိုမှ ခိုင်းရက်လိုက်တာ။ ခမျာမှာ သနားပါတယ်။ နားရှာပါစေ။ ဟွန်း။ တွေ့မယ် နင့်ကို ဖမ်းမိတော့မှ အသားကုန် နှိပ်စက်ပြမယ်။ မိစ္ဆာမ…….
ဒဿက ပြစ်ပြစ်နှစ်နှစ် စိတ်ထဲက ကျိန်ဆဲနေချိန်မှာတင် တစ်ချိန်လုံး လက္ခဏကို အဝေးကကြည့်ပြီး သာယာနေသော ဘိဘိမဆီမှ တောက်ခေါက်သံထွက်လာသည်။
“ကြည့်…... မိစ္ဆာရူးမက ငါ့အဝါလေးကိုပါ ထပ်ခိုင်းလိုက်ပြန်ပြီ။ ကြည့်စမ်းပါဦး။ ကောင်လေးဟာဖြင့် ဗလလေးတာ သောင့်ရှာတာ။ နုနယ်မယ့်ပုံလေးကိုဟယ်..။ ငါတိပါသယ်။ ဒီဟာမကိုက ကောက်ကျစ်နေလို့ တူသို့ကြောက်ရသာ။ ခိုင်းသိုင်း လုပ်ချင်ရှာသာ မဟုတ်ဘူး။ တနားစရာပါဟယ်…………….”
“ကဲ ဘိဘိမရေ။ အော်ဟစ်မနေနဲ့တော့။ ဒီမိစ္ဆာမကို ကလဲ့စားချေဖို့ ဖမ်းလိုက်ကြစို့ ညီမငယ်ရေ”
“တင့်မြတ်လှကြောင်းပါရှန့်………။ ဟိ”
* * * *
“အခုတော့ တင့်မြတ်သဲ့ ကိစ္စသွေက မတင့်သော်သဲ့ ကိစ္စသွေကို တယ်ဆောင်လာရှာပြီ”
ပြောတုန်းကတော့ သူပဲ သင့်မြတ်လှကြောင်းပါ ဆိုပြီး၊ အခု ရာမတို့ဘက်က သီတာဒေဝီအတွက် စစ်ချီတက် လာကြတယ်ဆိုတော့မှ မသင့်တော်တဲ့ ကိစ္စတွေဆိုပြီး ချက်ခြင်း ဖြစ်သွားတယ်။ ဗလောင်းဗလဲနဲ့ မျောက်ခြောက်မကိုက..
“ကဲ ငြီးမနေနဲ့တော့။ အခုဘာဆက်လုပ်ရမယ်ဆိုတာပဲ စဉ်းစား။ အစီအစဉ်ရှိတယ်ဆိုတဲ့ ဂမ္ဘီလည်း သမင်ရှာဖို့ တောထဲဝင်သွားလိုက်တာ အခုထိကို ပြန်ပေါ်မလာတော့ဘူး။ ငါခေါင်းတွေတောင် ခြောက်ပါတယ်ဟယ်..”
“ကဲပါ ခြောက်မနေပါနဲ့သော့။ ခံသပ်ကို အခုပဲ သွားဖို့ပြင်”
“ခံတပ်..?? ဟုတ်လား။ ဘာကြီးဒုန်း”
“ရာဝဏ ခံသပ်လေ။ ဟိုးသလောသုန်းက ဘိဘိ အတစ်ဆောက်ထားခဲ့သာလေ။ ဒီလို စစ်မက်အရေးသွေ ကြိုမြင်လို့ကို ဘိဘိမှာ သွက်ချက်ပြီးဆောက်ထားရသာ”
ကြည့်စမ်း..။ ဒီမျောက်ခြောက်မ ငါမသိပဲ ခိုးလုပ်ထားတာတွေ တစ်ပုံကြီးပဲ။ အခုမှ သိရတယ်။
“အင်းထားပါတော့။ ဒါနဲ့ နံမည်ကြီးကဟယ် ရာဝဏခံတပ်တဲ့။ တစ်မျိုးကြီးပဲဟယ်။ ရင်ဖိုစရာ.. ခစ်ခစ်……..”
“အံမယ်လေး.. အခုမှ လာပြီး အတည်းနုပြနေသယ်။ ဟွန်း။ မျက်စိနောက်လာရင် ဘိဘိမ ခံသပ်လို့ နံမည်ပြောင်းချလိုက်မှာနော်……….”
“အံမယ်လေး ပြောင်းတော့ မပြောင်းပါနဲ့။ ရာဝဏခံတပ်လေးပဲ ထားပါဟယ်။ ဒါမှ မောင်တော်ရာမ မင်းသားချောလေး ရောက်လာရင် ရာဝဏခံတပ်.. ဆိုတဲ့ ဆိုင်းဘုတ်လေးအောက်က ရှက်စနိုးပုံစံလေးလုပ်ပြလို့ရမှာ။ ဆိုင်းဘုတ်လေးကိုကြည့်လိုက်..၊ ရှက်ပြလိုက်နဲ့ ဟောသလို.. ဟောသလို………. ခစ်ခစ်ခစ်ခစ်ခစ်………..”
“ဟွန်း နိုင်ကို မနိုင်ဘူး။ အဘွားကြီး။ အေးအေး.. နင်အဲလိုလုပ်နေတဲ့အချိန် ငါလည်း ဘေးနားမှာ ဘိဘိမလည်း ခံသပ်ပါသည်။ အဲ.. အဲလေ ခံသပ်မှာရှိပါတည်ဆိုပြီး ဆိုင်းဘုတ်အတေးလေးနဲ့ မြူဆွယ်နေမှာ။ ငါ့ကောင်လေး အဝါလေးကို။ ခိ..”
ဘိဘိမကလည်း မလျှော့ပါ။ ဆိုင်းဘုတ်အသေးလေးနဲ့တောင် မြူဆွယ်မယ်ဆိုပါလား။ ဒီမျောက်မက တခါတခါ ပိုရွသေး။ သီတာဒေဝီဆိုတဲ့ မိစ္ဆာမထက်တောင် ယောက်ယက်ခတ်သေး။ ဟင်.. ဒါနဲ့.. သီတာဒေဝီဆိုမှ…
ဒဿနဲ့ ဘိဘိတို့ နှစ်ယောက် စကားများနေကြရင်း ရုတ်တရက် သီတာဒေဝီကို သတိရသွားမိသည်။ တကယ်တော့ နှစ်ယောက်သားက သီတာဒေဝီကို ဖမ်းချုပ်ထားသည့် လှောင်အိမ်နားမှာ သတိလက်လွတ်နဲ့ အခြောက်ကြီးခြောက်ပြနေတာ မဟုတ်လား။ နှစ်ယောက်သား တစ်ယောက်နဲ့တစ်ယောက် မျက်ခုံးပင့်ကြည့်ရင်း သီတာဒေဝီဘက်လှည့်ကြည့်တော့.. သီတာဒေဝီက သူတို့နှစ်ယောက်ကို လှောင်အိမ်သံတိုင်များကြားက ကြက်သေသေကာ ကြောင်ကြည့်နေပါသည်။ အင်း.. မထူးတော့ပါဘူးဟယ်။ ပွင့်လိုက်ပါတော့မယ်…..
“ဟဲ့ ဘာကြည့်တာတုန်း မိစ္ဆာမရဲ့..။ ယောက်ျားလေးတွေ အခုလို နုရွစွာ လှပကျော့ရှင်းနေတာ၊ သိမ်မွေ့ငြင်သာစွာ စကားပြောကြတာ မမြင်ဖူးဘူးလား.. ဟွန်း”
ဒဿက နှုတ်ခမ်းတစ်လှန် ပန်းတစ်လှန်နဲ့ ပြန်ပြောတာကို သီတာဒေဝီက ဘာမှ ပြန်မပြောပါ။ လှောင်အိမ်သံတိုင်များကြားမှ မျက်လုံးနှစ်လုံးကို အစွမ်းကုန်ပြူးကာ ကြောင်ပြီး ကြည့်နေဆဲဖြစ်သည်။ ဒဿ မင်္သကာလို့ အနားကိုကပ်ပြီး သွားကြည့်တော့မှ.. ဘယ်ဟုတ်မလည်း သီတာဒေဝီတစ်ယောက် ရုတ်တရက်ရှော့ခ်ဖြစ်ပြီး မတ်တတ်ကြီး သတိလစ်နေတာဖြစ်သည်။
သြော်.. ဖြစ်ရမယ် သီတာဒေဝီရယ်။ နင့်ကိုဖမ်းခေါ်လာတုန်းက ဘီလူးကြီးနဲ့ မျောက်ကြီး၊ ဘီလူးကြီးနဲ့ မျောက်ကြီးပါလို့ ကြောက်ပြီး အော်ဟစ်ခဲ့ရတဲ့ ငါတို့ဟာ အခုလို နင့်ရှေ့မှာ တစ်ကိုယ်လုံးခါတွန့်ပြီး ဝက်ဝက်ကွဲ ခြောက်ပြလိုက်တော့ နင့်ခမျာ အခုလို မယုံနိုင်တဲ့ မျက်လုံးပြူးတွေနဲ့ သတိတောင်လစ်သွားရတာပေါ့..။ စိတ်မကောင်းပါဘူးဟယ်…….
“ကဲ.. ဘိဘိမရေ။ သမားတော် မုလိန္ဒကိုသာ ခေါ်ပြီး ကုပေးလိုက်ပေတော့…………”
“သြော် တမားသော် ခေါ်မနေပါနဲ့။ ဒီလောက်ကသော့ ဘိဘိပဲ ကုပေးလိုက်ပါ့မယ်။ စိတ်ချလိုက်စမ်းပါ။”
“အေး နင့် မို့လို့ ငါက စိတ်မချတာ မျောက်ခြောက်မရေ..။ ကဲပါ.. သေချာကုပေးလိုက်။ သီတာဒေဝီကို မလွတ်သွားစေနဲ့ ကြားလား………”
Credit : စွန်နီ
No comments:
Post a Comment