နောက်ကျနေပြီဆိုတာနဲ့ ရာဝဏလည်း မျက်နှာကို မျက်နှာချေမှုန့်တွေ တစ်ချက်နှစ်ချက်ပွတ်လိုက်ပြီး ဆံပင်ဖားလျားနဲ့ပင် ထွက်ချလာလိုက်တော့သည်။ လူကောင်ကြီး အကြီးကြီးနဲ့ ဆံပင်အုံထူကြီးကိုဖားလျားကြီးချထားတဲ့ ရာဝဏကို ဘိဘိမက တစ်ချက်ကြည့်ရင်း အခြောက်ဓားပြကြီးပါလို့ ခပ်တိုးတိုးရေရွတ်တယ်။
အင်း…………။ အခုနေများ မယ်တော်ဂုန္ဓီများ တွေ့သွားရင်… နေရာမှာတင်မေ့လဲသွားမလား၊ သူ့သားတော်ကို မမှတ်မိပဲ ဘယ်က ဘီလူးအခြောက်ကြီးလည်းဆိုပြီး လိုက်ရိုက်ထုတ်မလားပဲ။ ဟိဟိ။
ဘာပဲပြောပြော ဒီနေ့ညတော့ စည်သည်ကောင်တွေကြည့်ရဖို့အရေး တို့အရေးပဲ..။ မနက်ဖြန်ကျမှ နောက်ဆုံးတောင်ထိ အောင်နိုင်ဖို့သာ…………
* * * *
(အခန်း-၂)
နောက်ဆုံးတောင်ကို ခြေလှမ်းလှမ်းလိုက်တော့ ရာဝဏတော်တော်မောနေပါသည်။ တောင်တွေ ကူးရလွန်းလို့ ဒူးနှစ်လုံးကလည်း ချောင်ချင်ပြီ။ တောင်တွေကူးရုံနဲ့တင် အဆင်မပြေသေးပဲ တောင်တွေတိုင်းမှာရှိတဲ့ သတ္တဝါတွေကို နှိမ်နှင်းရသေးတာမို့ အခြောက်မတစ်ယောက်ထဲ ယောက်ယက်တွေကို ခတ်နေလေတော့သည်။
အရင်တက်ခဲ့တဲ့ တောင်ကိုးလုံးက မြွေဟောက်ငယ်လေးများ၊ လက်ကောက်ဝတ်လောက်ရှိသည့် နှစ်ချို့တီကောင်များ၊ အစောကြီးထဲက အသက်ကြီးပြီး သေပြီးသားဖြစ်နေသော မြွေနဂါးကြီး.. စတာတွေကို အောင်နိုင်ပြီးသည့်အခါ အခုဒီနောက်ဆုံးတောင်မှာ ဘာတွေများထူးထူးဆန်းဆန်းတွေ့ရမလည်းဆိုပြီး လန့်နေမိလေသည်။
စစချင်းတက်ခဲ့တဲ့ တောင်တွေကပေါ်က မြွှေဟောက်တွေ တီကောင်တွေကတော့ ကြောက်ကြောက်နှင့် မဲမဲမြင်ရာ လျှောက်ခုတ်မိရင်း သေသွားကြတာဖြစ်သည်။ ကိုးလုံးမြောက်တောင်ကိုလည်းတက်ရော အခွေလိုက်ကြီးဖြစ်နေတဲ့ မြွေနဂါးကြီးကိုတွေ့တွေ့ချင်း ရုတ်တရက်မို့ ရာဝဏ အတော်လန့်သွားတာ ဖြစ်သည်။ ဘယ်လောက်လန့်သွားလည်းဆို အသံပြဲကြီးနှင့် ငယ်သံပါအောင် အော်ချလိုက်မိသည်။ ဒါပေမယ့် သူ့ဟာနှင့်သူ ရောဂါရပြီး သေပြီးသားကြီးဖြစ်နေမှန်း သိရတော့မှ သက်ပြင်းချနိုင်တော့သည်။ ဒါနဲ့ မြွေခေါင်းကြီးကို ဖြတ်ချလိုက်ပြီး တောင်အောက်ကို ခပ်တည်တည်နှင့် ပြစ်ချလိုက်ခဲ့တာဖြစ်ပါသည်။ တောင်တွေရဲ့အောက်မှာ အားပေးနေတဲ့ ပရိတ်သတ်ကြီးကတော့ မြွေခေါင်းကြီးလည်း ပြုတ်ကျလာရော အတော့်ကို ပွဲစည်သွားလေတော့သည်။
အင်း.. အခု…. နောက်ဆုံးတောင်ပဲ ကျန်တော့သည်။ တောင်ထိပ်မှာ ရပ်နေရင်း တောင်ပေါ်က တစ်ခုထဲသောဂူထိပ်ဝကို ကြည့်ကာ ဘာအကောင်များထွက်လာမလည်း သူစောင့်နေမိလိုက်သည်။ နေကဝင်တော့မည်။ နေမဝင်ခင် နောက်ဆုံးတောင်ကိုအောင်ရမှာဖြစ်တာကို တွေးမိရင်း ‘ဒဿဂီရိဆိုတဲ့ နံမည်မရတော့ရင် ဂယက်ပဲဟယ်’ ဆိုပြီး စိတ်ကိုအားတင်းကာ ဂူထဲကို ကြောက်ကြောက်နှင့်ပင် ဝင်လိုက်ရသည်။ လူကသာ အတင်းကြီး ဇွတ်ကြီး အားတင်းထားရသော်လည်း ဒူးဂေါင်းနှစ်လုံးကတော့ ထိန်းမရပဲ တစ်ဂွက်ဂွက်ရိုက်နေလေတော့သည်။
ဂူထဲရောက်တော့ ကြောက်ကြောက်နှင့် ဟိုကြည့်ဒီကြည့် လုပ်လိုက်ရာ…….. လားလား……….။ အံမယ်လေး။ ခြင်္သေ့အရိုးကြီး။ သေပြီးသားကြီးပဲ။ အေးဟယ် ကံကောင်းချက်။ တောင်တွေပေါ်က ခွန်အားကြီး အကောင်တွေက အလိုလိုနေရင်း သေပြီးသားတွေဖြစ်နေတော့ ငါဂယက်မထတော့ဘူးပေါ့။ အဲဒါကြောင့် ဘိဘိမပြောတာ။ အလိုလိုနေရင်း အောင်သွားလိမ့်မယ် ဆိုတာ။ အံမယ်လေးဟဲ့ မျောက်ခြောက်မက ဒါမျိုးကျစိတ်ချရယ်။ အမြဲမှန်တယ် ဟိ။
အင်း ခြင်္သေ့အရိုးကတော့ ဟုတ်ပါပြီ။ ခြသေံအရှင်ကို အောင်နိုင်ခဲ့တယ်ဆိုတာ ဘယ်လို သက်သေပြရမှာပါလိမ့်။ ရာဝဏစဉ်းစားနေတုန်းမှာပဲ ဂူထောင့်နားမှာ ဘယ်ကမှန်းမသိတဲ့ အမွှေးတဖွားဖွားနှင့် တောကြောင်လေးတစ်ကောင် တွေ့လိုက်ရသည်။ ဟုတ်ပြီ!!
“မီမီ.. လာလာ…….”
ကြောင်လေးကို ရာဝဏပွေ့ပိုက်ဖမ်းရင်း တောင်ထိပ်အစွန်းကနေ ကြောင်ခွေခွေလေးကို ပရိတ်သတ်မြင်အောင် လှစ်ကနဲပြလိုက်သည်။ ထို့နောက်အဝေးကို လွှင့်ပြစ်ပြလိုက်သည်။ ‘မသိရင် ခြင်္သေ့ခေါင်းကြီးကို ငါဖြတ်လိုက်တဲ့ပုံစံပေါ့လေ’ ဆိုပြီး ကိုယ့်ဟာကိုယ်ပြောကာ သဘောကျနေလိုက်သေးသည်။ ထို့နောက်မှ ခြင်္သေ့အစွယ်နှင့် အရိုးနှစ်ချောင်းလောက်ကိုဖြတ်လိုက်ကာ တောင်အောက်ကို ဝှစ်ကနဲ ပြစ်ချပေးလိုက်သည်။ တောင်အောက်မှ သည်းထိတ်ရင်ဖိုဖြစ်နေတဲ့ ပရိတ်သတ်ကြီးရဲ့ ဆူညံပွက်လောရိုက်အော်ဟစ်သံကို ကြားလိုက်ရပါသည်။ (တစ်ချို့များဆို ငေါက်ခနဲ မေ့လဲသွားသေးသည်ဟု ဘိဘိမက နောက်နောင်များအခါမှာ ပြန်ပြောပြလေသည်။)
နေလည်းဝင်သွားပြီ။ ရာဝဏလည်း တောင်အောက်ခြေသို့ရောက်လာပါသည်။ တောင်အောက်က ဒြာဝိယန်လူမျိုး ပရိတ်သတ်ကြီးက သူ..တောင်အောက်ရောက်တာနှင့် ‘ဒဿဂီရိ၊ ဒဿဂီရိ၊’ စသည်ဖြင့် တခဲနက်အားပေးကြသည်။ ကောင်လေးတစ်ယောက်ဆိုလျှင် သူ့အနားမရောက်ရောက်အောင်တိုးလာပြီး ‘ခြင်္သေခေါင်းကြီးကို ဖြတ်လိုက်တုန်းက ကျွန်တော်ဖြင့် သတိလစ်သွားတော့မလို့ဗျာ’ ဆိုပြီး လာပြောသွားသေးသည်။ ပြောတဲ့ကောင်လေးက ခပ်ချောချောလေးမို့ ရာဝဏ ရင်ထဲမှာ လှိုက်ဖိုသွားသလို စိတ်ထဲမှာလည်း သူကလိမ်ကကျစ်လုပ်လိုက်ရတာကို တွေးမိပြီး အသေရယ်ချင်သွားသည်။ ဒါပေမယ့်လည်း အိနြေ္ဒကိုထိန်းကာ အတင်းကျားလိုက်ပြီး မျက်နှာကို တည်ထားလိုက်ပါသည်။ ‘ညကျမှ ဘိဘိမကို ဒီကောင်လေးအကြောင်း စုံစမ်းခိုင်းရမယ်’ ဟု တေးထားလိုက်ပါသည်။
* * * *
တကယ်တမ်း ညကျတော့လည်း ဘယ်သူ့ဘယ်သူ့ကို စုံစမ်းခိုင်းဖို့ မပြောနဲ့ ကိုယ့်ဟာနဲ့ကိုယ်တောင် ဒဿ လက်မလည်တော့ပါ။ အိန္ဒုမြစ်ကမ်းတစ်လျှောက်လုံး သူ့ကို ဂုဏ်ပြုနေကြသော ဒြာဝိဒိယန်မျိုးနွယ်တို့အားလုံးကြားတွင် အောင်ပွဲခံနေရတာနဲ့ပဲ ယောက်ယက်ခတ်နေရပါသည်။ ‘ဒဿဂီရိ၊ ဒဿဂီရိ’ စသည်ဖြင့် ကျွေးကျော် အော်ဟစ်နေကြတဲ့သူတွေ ကြားထဲမှာ ပျော်နေတုန်း ဗြုန်းစားကြီး ဗလတောင့်တောင့်နှင့် သူငယ်တစ်အုပ်ရောက်ချလာကာ သူ့ကို ချီမြှောက်ပြီး လေထဲသို့ပြစ်တင် ဂုဏ်ပြုကြလေသည်။ လူရှေ့မှာမို့ ဒဿသည် ဗလကြီးတွေထွက်နေသည့် လက်မောင်းများကို ဆန့်တန်းကာ အသံကုန်ဟစ်ကြွေးလိုက်သော်လည်း စိတ်ထဲမှာတော့ သူငယ်တွေရဲ့ သူ့ကို ထိတွေ့သည့် အထိအတွေ့ကို ကြိတ်သာယာနေမိသည်။
ဟိ။ သာယာလိုက်တာ ဘိဘိမရယ်။ ရှယ်ပဲ။ နင်သာရှိရင် ငါ့ကို မနာလိုဖြစ်ဦးမယ်။ ငါအခုလို သူငယ်တွေက နေ့တိုင်းချီမြှောက်နေတာမျိုးဖြစ်အောင် တိုက်ခိုက်ပွဲတွေ ခဏခဏလုပ်ပြီး အောင်ပွဲခံရမယ်။ ဒီလိုကိစ္စမျိုးကို နင်နဲ့ငါ အသေးစိတ် (detail) တိုင်ပင်ရမယ်။ အဟိ။ ငါ့ဘဝကို လာကြည့်ပြီး သွားရေကျလှည့်ပါဦး ဘိဘိမရဲ့။ ဘယ်များသွားသာယာနေလည်း မသိဘူး ဒီမျောက်ခြောက်မ….
ဒဿ.. ဘိဘိသနကို ရှာနေတုန်း ရုတ်တရက် မယ်တော်ဂုန္ဓီရောက်လာကာ ရာဝဏကိုချီမြှောက်နေသော ကောင်လေးများကို ဖယ်ရှားစေသည်။ ဟွန်း.. မယ်တော်ဟာလေ တကယ်ပဲ ဖျက်လို့ဖျက်စီးသိပ်လုပ်တာပဲ။ လူဇိုးမ..
“သားတော်… မင်း ဒဿဂီရိဖြစ်သွားပြီနော်။ သားတော်ကြီးရယ်…”
မယ်တော်က မျက်ရည်လေးတစမ်းစမ်းဖြင့် သူ့ကိုဖက်ပြီးပြောတော့ သူစိတ်မကောင်းတော့ ဖြစ်ချင်သွားသည်။ စိတ်ထဲမှာတော့ ‘မယ်မယ်ရေ.. သမီးတော့ စိုးစံပါတဲ့ နံမည်လေးရပြီလေ။ မယ်မယ်မမှည့်ပေးလို့ ကိုယ့်ဘာသာကိုယ် ရအောင် ယူချလိုက်တာလေ။ မှတ်ထား အဟက်ဟက်’ လို့ ကြုံးဝါးလိုက်ပါသည်။
“ဟဲ့ တောက်ခွေး အဟေးဟေး”
မယ်တော်က ဖီလင်အပြည့်နှင့် ဖက်ငိုနေဆဲ ရုတ်တရက်ကြီး ပေါတောတောရုပ်ကြီးဖြစ်သွားကာ လျှာကြီးထုတ်ပြီး ထယောင်တော့ ဒဿလည်း ဘာမှန်းမသိ လန့်သွားပြီးအလန့်တကြား လှည့်ကြည့်လိုက်မိသည်။ တွေ့လိုက်ရတာက ဒဿရဲ့ ညီမတော်ဂမ္ဘီ….ဖြစ်သည်။ မယ်တော်လန့်လည်း လန့်ချင်စရာပင်။ ဂမ္ဘီ၏ လက်ထဲမှာ ဘယ်ကဖြတ်လာမှန်း မသိသော ခြင်္သေ့ခေါင်းကြီးနှင့်။ ဘုရား.. ဘုရား………..။
“ဟဲ့ အလန့်တကြား ဂမ္ဘီရယ်။ ဘယ်ကခြင်္သေ့ခေါင်းကြီးလည်း။ သွားပြန်ထားလိုက်စမ်း သွားသွား……….”
ဒဿက အလန့်တကြားပြောလိုက်ရာ နွဲ့ပင် နွဲ့သွားသေးသည်။ ဘယ်သူမှ သတိမထားမိခင် ကိုယ့်ဟာကိုယ် မနည်းပြန်ထိန်းလိုက်ရသည်။ ဂမ္ဘီကတော့ ဒဿကိုကြည့်ပြီး ခပ်မိန့်မိန့်ကြီး ပြုံးလိုက်ကာ..
“အကိုတော်အနိုင်ယူခဲ့တဲ့ ခြင်္သေ့ကြီးလေ။ အဲဒါတောင်အောက်မှာ မသေမရှင်ဖြစ်နေလို့ ခေါင်းဖြတ်ယူခဲ့တာ။”
မြတ်စွာဘုရား။ ငါအနိုင်ယူခဲ့တယ်ဆိုတဲ့ ခြင်္သေ့ကြီးက သေပြီးသားကြီးလေ။ အံမယ်လေး.. တောင်အောက်မှာ မတော်တဆ လာအိပ်နေတဲ့ ခြင်္သေ့ကို မသေမရှင်ထင်ပြီး ခေါင်းဖြတ်ယူလာတာနဲ့ တူတယ်။ အာဂ သတ္တိပါလား ဂမ္ဘီရယ်။ နင့်ကိုတော့ ငါ လက်လန်တယ် တကယ်ပဲ။ နင်ဟာလေ မိန်းမလူစွမ်းကောင်းမပါ.. ဟယ်…
“ရော့ ယူလေ အကိုတော်။ ဒါ.. ညီမရဲ့ ပဏာပါ။ ဂုဏ်ပြုလက်ဆောင်ပါ။”
ဂမ္ဘီက အတင်းထိုးပေးတော့ ဒဿက မယူချင်ယူချင်နဲ့ လှမ်းယူဖို့လုပ်ရပါသည်။ စိတ်ထဲမှာ ကြောက်ကလည်းကြောက်၊ ရွံ့ကလည်း ရွံနှင့် လှမ်းယူရသည်ဖြစ်ရာ လက်များပင် တုန်ယင်လာပါသည်။ မျက်စိနှစ်လုံး စုံမှိတ်ထားပြီး တုန်ယင်ယင်ဖြစ်နေတဲ့ ဒဿရဲ့ လက်နဲ့ ခြင်္သေ့ခေါင်းကြီး ထိခါနီးဆဲဆဲမှာ ဘယ်ကဘယ်လို ဆပ်ဆလူးခါပြီး ပေါ်လာမှန်းမသိသည့် ဘိဘိသနက ဒဿအနားကို ခုန်ပေါက်ပြီး ရောက်ချလာကာ ရုတ်တရက် ခြင်္သေ့ခေါင်းကြီးကိုမြင်သွားပြီး မေ့လဲသွားပါသည်။
“ကျွန်မ ကြောက်သယ်။ မေ့လဲတွားပါပြီသော့။”
ဘိဘိမက မေ့လဲသွားတာတောင် ‘မေ့လဲသွားပါပြီ’ ဟု အသိပေးသွားသေးသည်။ တော်တော်ရယ်ရတဲ့ မျောက်ခြောက်မ။ အဟက်ဟက်။
“ဟားဟား အကိုလေးကရယ်ရတယ်နော် အကိုတော်ဒဿ။ မိန်းမအော်သံပုံစံလုပ်ပြီး မေ့လဲပြသွားတာ တအားတူတာပဲ ဟားဟား။ ဟားဟား။”
ဂမ္ဘီကတော့ သူ့အကိုလတ် ဝက်ဝက်ကွဲခြောက်နေတာကို မသိပဲ မိန်းမအော်သံအတု လုပ်ပြသွားသည်ဟု ထင်ပြီး ရယ်နေတာဖြစ်သည်။ အင်း… ဂမ္ဘီရယ်.. တကယ်တော့ နင့်အစ်ကိုနှစ်ယောက်က အရမ်းကြီး ခြောက်ရှာတယ်၊ နင့်ထက်တောင် နွဲ့သေးတယ်ဆိုတာ နင်များသိသွားတဲ့တစ်နေ့ နေရာမှာတင် ရူးသွားမလားပဲ။ သြော်.. သနားစရာ ငါ့ညီမလေး။ မသိရှာဘူး..။
“ဘာတွေများကြိတ်တွေးနေတာလည်း မောင်တော်…..”
တစ်ယောက်ထဲတွေးနေတုန်း အနောက်ကထွက်လာတဲ့ အသံကြောင့် ဒီအသံလေးကြားဖူးပါတယ်ဆိုပြီး ဒဿလှည့်ကြည့်လိုက်တော့ မန္ဒော……။ မယူချင်ပဲယူထားရတဲ့ ဒဿရဲ့ မဟေသီ ယောက်ျားလျာ မန္ဒော..
“ဘာ… ဘာ.. ဘာမှ မဟုတ်ပါဘူး မန္ဒောရယ်။ ဟို.. ဟို….. အခုလို မိသားစု စုံစုံညီညီဆိုတော့ စိတ်ထဲမှာ ဝမ်းနည်းဝမ်းသာ.. ဖြစ်မိနေတာပါ။ ဟီးးးးးးးးး”
“အေးနော်.. အေး..။ ရုတ်ရုတ်ရုတ်ရုတ် လုပ်မယ်မကြံနဲ့နော်။ ငါ့အကြောင်း သိတယ်ဟုတ်..”
သိပါ့ မန္ဒောရယ်။ သိပါ့။ နင့်ကြောင့်ပဲ ငါ့ဘဝကြီးက ခါးသီးခဲ့ရတာ။ ဟုတ်တယ်လေ.. စဉ်းစားကြည့်။ ဒဿတို့ အိမ်ရှေ့စံဘဝ ငယ်ရွယ်တုန်း၊ နုပျိုတုန်း၊ ခြောက်လို့ကောင်းတုန်း ဘဝမှာ သူအတင်းစွတ်လိုက်လို့ အိမ်က သူနဲ့ပေးစားလိုက်တာနဲ့ ဒဿမှာ အခုထိ ခြေချုပ်မိနေတာ။ လွပ်လပ်စွာခြောက်ပိုင်ခွင့်များ ဆုံးရှုံးသွားခဲ့ရတာ…
အိမ်ရှေ့စံဘဝတုန်းက ဒဿတစ်ယောက် အိမ်ရှေ့စံမင်းသားတို့ ထုံးစံအတိုင်း ဒိသာပါမောက္ခကြီးထံမှာ ပညာတွေသွားသင်ရတော့ ပျော်လိုက်သည့်ဖြစ်ချင်း။ အနယ်နယ်အရပ်ရပ်က မင်းသားတွေနဲ့ တွေ့ရပြီဟေ့ဆိုပြီး ဒဿမှာ ပျော်ခဲ့လိုက်ရတာ၊ ပါမောက္ခကြီးကွယ်ရာမှာ မင်းသားတွေကို မြူဆွယ်ဖို့၊ ကပ်ချုပ်ဖို့၊ ချစ်ရည်လူးဖို့ အစီအစဉ်တွေ ဆွဲခဲ့ရတာ၊ ကိုယ့်အသားအရေကို သတိထားမိအောင် အသားအရေလှစေတဲ့သင်္ဘောသီးတွေ အနှစ်ချပြီး တစ်ကိုယ်လုံးပွတ်ခဲ့ရတာ…။ အစီအစဉ်တွေနဲ့ ည.. ညတွေတောင် တော်ရုံနဲ့ အိပ်ပျော်ခဲ့တာ မဟုတ်ဘူး။
တကယ်တမ်းကျတော့ သင်တန်းအပြန်မှာလာစောင့်ကြည့်နေတာ မင်းသားတွေ မဟုတ်ပဲ သင်တန်းနားမှာ မြင်းရထားတွေ ပြင်တဲ့ ဝပ်ရှော့က မန္ဒောဖြစ်နေခဲ့တာလေ။ ဒါပေမယ့် ဒဿက မင်းသားမဟုတ်လည်းပဲ ရရစားစား သဘောမျိုးနဲ့ စိတ်ကိုလျှော့လိုက်ပါတယ်။ အစကတော့ ဒဿလည်း ယောက်ျားလျာ မန္ဒောကို ကောင်လေးမှတ်လို့ ပျိုတာပေါ့။ မန္ဒောစောင့်နေတဲ့ရှေ့ရောက်ပြီဟေ့ဆိုရင် ကျောက်လေးတွေ စီပြီးကပ်ထားတဲ့ ပရပိုက်အထုပ်လေးကို ကျစ်ကျစ်ပါအောင် ပိုက်ပြီး နှုတ်ခမ်းလေးကို ဖူးနေအောင်စူထား၊ ခြေတစ်လှမ်း ကုဋေသန်းတစ်ထောင်လောက်နဲ့ ဖြည်းဖြည်းညှင်းညှင်းလေး လျှောက်တာပေါ့လေ။ တစ်ခါတစ်လေဆို မျက်စောင်းလေးထိုးရတာနဲ့ မျက်လုံးလေးဝံ့ပြီးခိုးကြည့်ရတာနဲ့ ရှက်စနိုးလုပ်ပြရတာနဲ့ အံမယ်လေး သာယာနေခဲ့တာ။
မန္ဒောကလည်း ဒဿက သူ့အနားရောက်လာပြီဟေ့ဆိုရင် လေလေးတစ်ချွန်ချွန်နဲ့ ကွမ်း၊ဆေး၊လဘက်လေး တစ်ဝါးဝါးနဲ့ ခေါင်းပေါင်းကို ခပ်ငိုက်ငိုက်စောင်းပြီး အမိုက်စားပုံစံတွေလုပ်ပြတော့ ဒဿက ရင်တွေလှိုက်ဖိုပြီး ပဲများခဲ့ရတာလေ။ အံမယ်.. ညညဆို မန္ဒောက ဒဿနေတဲ့ အဆောင်ရှေ့မှာ ‘ဒီတစ်ညတော့ ကောင်စုတ်လေးရာ..၊ သံစဉ်လေးနဲ့ နင်အိပ်ဖို့ရာ..၊ မယ်ဒလင်လေးတစ်လက် ကိုယ်ထမ်းလို့လာ.. မင်းလေး အိပ်ပြီလား..’ ဘာညာနဲ့ လာဆိုတာသေးတာ။ ဒဿမှာ အဆောင်က တစ်ခြားသူတွေ မသိအောင် လဖက်တွေသုတ်ပြီး ဆင်းပေးရ၊ ရေနွေးကြမ်းတွေ ဆင်းတိုက်ရနဲ့ အခြောက်မဘဝ ယောက်ယက်ခတ်ခဲ့ရတာ။
တစ်ရက်ကျမှ အဆောင်က မင်းသားတစ်ပါးက အဲဒါတွေ့သွားပြီး ‘မင်းကွာ၊ ကြိုက်စရာ မိန်းကလေးရှားလို့ ယောက်ျားလျာကြီးကိုမှကြိုက်ရလားလို့’ ပြောမှ ဒဿမှာ အသည်းတွေ ဗြန်းဗြန်းကွဲရတော့တယ်။ စိတ်မကောင်းလွန်းလို့ ဒူးနဲ့မျက်ရည်သုတ်၊ အခြောက်အပျိုကြီးဘဝနဲ့ပဲ အရိုးထုတ်တော့ဖို့တောင် ကြံလိုက်သေးတယ်။ နောက်မှ ‘ဟယ် မဟုတ်တာပဲ။ မိန်းမအတွက်နဲ့ ငါ့ဘဝကြီး မစိုပြေစေရဘူး။ ဆက်ခြောက်မယ်’ ဆိုပြီး စိတ်တင်းပြီး မင်းသားတွေဘက် မြှားဦးပြန်လှည့်ကာမှ ကျောင်းကြီးကလည်း အချိန်စေ့လို့ ပိတ်သွားတာနဲ့ ဒဿမှာ ဟက်ကော့ကြီးဖြစ်ပြီး ရင်ထဲမှာ ဟာတာတာဖြစ်နေခဲ့တာ ဒီနေ့ထိပဲ။ ဒီကြားထဲ မန္ဒောက ဒဿရွပြီး ပြစ်စာပေးထားတဲ့ ‘တို့ကလည်း ချစ်ပါတယ်ကွာ’ ဆိုတဲ့ စာတိုလေးကို သက်သေထားပြီး အိမ်မှာ အတင်းလာတောင်းရမ်းတာနဲ့ အိမ်ကပေးစားလိုက်လို့ အခုလို မိန်းမကြီးတန်းလန်းနဲ့ ခိုးခြောက်နေရတဲ့ ဘဝဖြစ်ရတာပေါ့။
အဲဒါကြောင့် ပြောတာ….။ မန္ဒော အကြောင်းကို သိတယ်ဆိုတာ……..။ သိလွန်းလို့ကိုခက်နေတာ။ ဖြစ်နိုင်မယ်ဆိုရင်လေ… အဲမိန်းမကြီး သေသွားရင် သိပ်ကောင်းမှာ..။ ဟွန်း။Credit : စွန်နီ
No comments:
Post a Comment